Բանախոս՝ Ռոյ Կնոքե
(Լեփսիուսի տուն-արխիվ, Պոտսդամ, Գերմանիա)
Ցեղասպանության թեման դպրոցներում դասավանդելը միշտ էլ դժվար հաղթահարելի խնդիր է եղել: Դա մի կողմից սեփական ժողովրդի պատմության մարտահրավերն է 20-րդ դարում իրագործված ցեղասպանությունների համատեքստում, մյուս կողմից, հարկ է պատասխանատվություն կրել ցեղասպանության թեման աշակերտներին ուսուցանելու հարցում՝ կիրառելով համապատասխան դիդակտիկ մեթոդներ, միևնույն ժամանակ չծանրաբեռնելով նրանց մարդկության պատմության վայրագությունների նկարագրություններով:
Այս սեմինարը վերաբերում է Հայոց ցեղասպանությանն առնչվող վերոնշյալ հարցերի քննարկմանը և նախատեսված է անցկացնել երեք մասով (յուրաքանչյուրը՝ 90 րոպե):
Սեմինարի ընթացքում կներկայացվեն Լեփսիուսի տուն-արխիվի՝ ուսուցիչների վերապատրաստման համար մշակած գաղափարներն ու նյութերը:
Մաս 1-ին
Ոչ պաշտոնական քննարկում ազգային տարբեր հեռանկարների վերաբերյալ
Ինչպե՞ս է ուսուցանվում Հայոց ցեղասպանությունը Հայաստանում և Գերմանիայում: Որքանո՞վ է համեմատական մոտեցումը համապատասխանում ուսուցման ծրագրին: Արտադպրոցական ո՞ր հաստատությունները կարող են ընդգրկվել և ինչպիսի՞ գործունեություն ծավալել այս մոտեցման շրջանակներում:
Մաս 2-րդ
Նկարների և տեքստերի տեսակներ.
Նկարների և տեքստերի օգտագործումն անհրաժեշտ է անցյալն ավելի լավ հասկանալու համար: Այս մասում քննարկվելու են նկարների և տարբեր աղբյուրների, նյութերի ազդեցությունը դասավանդման դեդուկտիվ և ինդուկտիվ մեթոդների վրա:
Օրինակ առաջին. Հայոց ցեղասպանության իրագործման փուլերի ներկայացում համաձայն լուսանկարչական նյութի և վկաների զեկույցների:
Մաս 3-րդ
Նկարների և տեքստերի տեսակներ և եզրափակիչ դրույթներ
Օրինակ երկրորդ՝ հաղորդակցության շարքը և բռնության արմատականացումը:
Եզրափակիչ դրույթներում կիրականացվեն փորձի փոխանակում և արդյունավետության պարագայում կքննարկվեն հետագա համագործակցության և դասավանդման մեթոդաբանության բարելավման հնարավորությունները:
Սեմինարի մասնակիցների քանակը սահմանափակ է՝ 20-26 պատմության ուսուցիչներ, հետևաբար խնդրում ենք նախապես զանգահարել հետևյալ հեռախոսահամարներով:
հեռ. (+374) 39 09-08/ 1-08
բջջ. (094) 36- 96- 46 Կրթական ծրագրերի բաժին
Ռոյ Կնոքեն «Լեփսիուս հաուզի» գիտաշխատող է, Պոտսդամի համալսարանի ռազմական պատմության ամբիոնի դասախոս, պատմության դոկտոր (Ցեղասպանության փիլիսոփայական և սոցիոլոգիական ասպեկտները): Ներկայում ուսումնասիրում է Յ.Լեփսիուսի այն աշխատությունների պատմա-քննական հեռանկարները, որոնք վերաբերում են Հայկական հարցին ու Հայոց ցեղասպանությանը:
Նրա հիմնարար աշխատություններն են.
Das Jahrhundert der Genozide. Ursprünge, Formen und Folgen politischer Gewalt im 20. Jahrhundert [The century of genocide. Origins, types and aftermath of political violence in the 20th century] ed. together with Olaf Glöckner, Duncker & Humblot, Berlin 2017.
Franz Werfel und der Genozid an den Armeniern [Franz Werfel and the Armenian Genocide], ed. together with Werner Treß, De Gruyter, Berlin/Boston 2015.
http://genocide-museum.am/arm/eventsAGMI.php
https://www.facebook.com/armeniangenocidemuseum/
#MethodologicalSeminarsatAGMI
#AGMIEvents
#AGMIPublicLectures
#AGMIEducationProgram