Սիրելի ուսուցիչնե´ր և դպրոցականնե´ր,

2019 թվականի ապրիլ ամսից հրավիրում ենք հանրակրթական միջին (VIII–IX-րդ դասարաններ) և ավագ դպրոցների (X, XI, XII-րդ դասարաններ) աշակերտներին մասնակցելու «Հայոց ցեղասպանության թանգարան-ինստիտուտ» հիմնադրամի կողմից կազմակերպված «Հայոց ցեղասպանության թեմայի ուսուցում» կրթական ծրագրին:

Խմբի անդամների քանակը սահմանափակ է՝ 20-25 աշակերտ, հետևաբար խնդրում ենք նախապես գրանցվել՝ ուղարկելով դպրոցի անունը, դասարանը, հեռախոսահամարը էլեկտրոնային հետևյալ հասցեին՝ kristine.najaryan@genocide-museum.am :

Լրացուցիչ հարցերի դեպքում կարող եք զանգահարել հետևյալ հեռախոսահամարով՝

+37410.39 09 81/ 1-08
Բջջ. (094) 36-96-46 (Քրիստինե Նաջարյան, Կրթական ծրագրերի բաժնի վարիչ)

«Հայոց ցեղասպանության թեմայի ուսուցում» կրթական ծրագրի մասին

«Հայոց ցեղասպանության թանգարան-ինստիտուտ» հիմնադրամի հիմնական նպատակը Հայոց ցեղասպանության հիշողության պահպանումն ու տարածումն է, որին թանգարանը հասնում է ոչ միայն հիմնական և ժամանակավոր ցուցադրությունների, այլ նաև այլ նախաձեռնությունների, այդ թվում՝ ցեղասպանության թեմայի վերաբերյալ կրթական ծրագրերի իրականացմամբ: Սա ընդունված պրակտիկա է աշխարհի տարբեր՝ այդ թվում նաև ցեղասպանություններին նվիրված թանգարաններում:

«Հայոց ցեղասպանության թեմայի ուսուցում» կրթական ծրագրի նպատակն է դպրոցականերին Հայոց ցեղասպանության պատմության նորովի ներկայացումը ոչ ավանդական մեթոդաբանությամբ:

Հաշվի առնելով ցեղասպանությունների կանխարգելման հրատապությունը և համամարդկային կարևորագույն առաքելությունն՝ աշակերտները կտիրապետեն պատմության մեջ այդ պայքարում հաջողված կամ անհաջող փորձերին ու միջոցներին:

Ծրագրի շրջանակներում փորձ է կատարվելու նրանց մեջ ձևավորել քննադատական մտածողություն, կրթել որպես «փրկողներ»՝ կարևորելով ինքնապաշտպանության դերը և ազատության համար պայքարող հայ մարդու կերպարը, հստակ պատկերացնել ոճրագործի, զոհի, փրկողի դերակատարությունները ցեղասպանությունների ընթացքում և այլն:

Թանգարան-ինստիտուտը կրթական ծրագրերի շրջանակներում էքսկուրսիաների հետ մեկտեղ միջին և ավագ դպրոցի աշակերտներին առաջարկում է նոր սկզբունքներով, նոր մոտեցումներով ներկայացնել Հայոց ցեղասպանության պատմությունը, Արևմտյան Հայաստանի պատմական ժառանգությունը և հայ ժողովրդի հերոսական վերապրումը:

Կրթական ծրագրի շրջանակներում իրականացվելիք տարաբնույթ կրթադաստիարակչական նախաձեռնությունների շնորհիվ դպրոցականները մասնագետներից կստանան հավաստի տեղեկություններ ցեղասպանությունների պատմության, մարդու իրավունքների, հոգեբանության, սոցիոլոգիայի վերաբերյալ նոր գիտելիքներ ու փաստեր:



Հայոց ցեղասպանության դասավանդման թեմատիկա