07.10.2025


Հայոց ցեղասպանության հուշահամալիր, այնուհետև նաև թանգարան են այցելել Վաղարշապատի համայնքապետարանի հյուրերը՝ Լատվիայի, Ռուսաստանի և Իտալիայի քույր քաղաքներից: Նրանց ուղեկցել է համայնքապետի ժամանակավոր պաշտոնակատար Արգիշտի Մեխակյանը, դիմավորել՝ ՀՑԹԻ թանգարանային աշխատանքների գծով փոխտնօրեն Լուսինե Աբրահամյանը:

Պատվիրակության կազմում էր նաև Լատվիայի Հանրապետության Դաուգավպիլս քաղաքի քաղաքապետի տեղակալ Իգոր Պրիլատովը: Վաղարշապատի և Դաուգավպիլսի քաղաքային իշխանության ներկայացուցիչները ծաղկեպսակներ են դրել Հայոց ցեղասպանության զոհերի հիշատակը հավերժացնող հուշակոթողին:

Լուսինե Աբրահամյանը հյուրերին ներկայացրել է հուշահամալիրի ստեղծման պատմությունն ու ուղեկցել անմար կրակի մոտ, որտեղ նրանք ծաղիկներ են խոնարհել և մեկ րոպե լռութայմբ հարգել ցեղասպանության զոհերի հիշատակը:

Պատվիրակությունը շրջել է թանգարանում, որտեղ նրանց ներկայացվել են ուշագրավ փաստեր Հայոց ցեղասպանության մասին: Վերջում պատվիրակության բարձրաստիճան ներկայացուցիչները գրառում են կատարել թանգարանի գրանցամատյանում: