14.07.2025


Ուրախությամբ հայտնում ենք, որ համագործակցության հուշագիր է ստորագրվել Հայոց ցեղասպանության թանգարան-ինստիտուտի և Մեծի Տանն Կիլիկիո Կաթողիկոսության միջև։ ՀՑԹԻ-ի կողմից հուշագիրը ստորագրեց տնօրեն Էդիտա Գզոյանը, իսկ Մեծի Տանն Կիլիկիո Կաթողիկոսության կողմից «Կիլիկիա» մատենադարանի մատենադարանապետ Շահան արք. Սարգիսեանը:

Հուշագրի շրջանակում կողմերը պարտավորվում են համագործակցել իրենց հաստատություներում գտնվող արխիվային նյութերի տրամադրման, գիտական աշխատանքների աջակցման, համատեղ գիտաժողովների, ցուցադրությունների և հրատարակությունների կազմակերպման և այլ համատեղ հետաքրքրություն ներկայացնող հարցերի շուրջ:

Այս հուշագիրը նոր քայլ է համահայկական գիտակրթական և մշակութային համագործակցությունը խորացնելու, ինչպես նաև Հայոց Ցեղասպանության հիշողությունը պահելու գործում։