17.05.2025
Թանգարանների միջազգային օրվան ընդառաջ ՀՀ կրթության, գիտության, մշակույթի և սպորտի նախարար Ժաննա Անդրեասյանը մայիսի 16-ին թանգարանային ոլորտում ունեցած նշանակալի ավանդի, ինչպես նաև մշակույթի բնագավառում անբասիր և երկարամյա աշխատանքային գործունեության համար մի շարք թանգարանների աշխատակիցների պարգևատրել է ԿԳՄՍ նախարարության մեդալով, պատվոգրերով և շնորհակալագրերով:
Հայոց ցեղասպանության թանգարան-ինստիտուտի թանգարանային ցուցադրությունների կազմակերպման պատասխանատու Սեդա Պարսամյանը Հայոց ցեղասպանության թանգարանի ցուցադրությունների կազմակերպման գործում նշանակալի ավանդի և երկարամյա գործունեության համար պարգևատրվել է ԿԳՄՍ նախարարության պատվոգրով:
Թանգարանային ցուցադրության և սպասարկման բաժնի հայերեն լեզվի ավագ էքսկուրսավար Անժել Թևեքելյանը թանգարանային այցելուներին Հայոց ցեղասպանության թեմայի ներկայացման գործում երկարամյա բարեխիղճ և արդյունավետ գործունեության համար պարգևատրվել է ԿԳՄՍ նախարարության շնորհակալագրով:
Շնորհավորում ենք մեր գործընկերներին արժանի պարգևների կապակցությամբ և մաղթում նորանոր հաջողություններ:
