01.11.2022


Այսօր ՀՑԹԻ գիտաժողովների սրահում Genocide denial in French law [Ցեղասպանությունների ժխտումը ֆրանսիական օրենսդրության մեջ] խորագրով դասախոսությամբ հանդես եկավ Փարիզի Նանտեր համալսարանի պրոֆեսոր Թոմաս Օշմանը:

Ներկաներին Թոմաս Օշմանի գործունեության մասին ներկայացրեց ՀՑԹԻ գիտական աշխատանքների գծով փոխտնօրեն Էդիտա Գզոյանը:

Պրոֆեսոր Օշմանն իր դասախոսության ընթացքում անդրադարձ կատարեց Ֆրանսիայի Ազգային ժողովի կողմից տարբեր տարիներին Հայոց ցեղասպանության ժխտումը քրեականացնելու մասին օրենքների ընդունմանը: Ըստ նրա՝ մասնագետների մի խումբ կարծում է, որ ցեղասպանությունների ժխտումը հակասում է խոսքի ազատության իրավունքին, իսկ մյուս խումբը կարծում է, որ տվյալ պարագայում խոսքի ազատության սահմանափակումը կանխում է ռասիստական տրամադրությունների արմատավորումն ու ատելության խոսքը:

Նա նշեց, որ Ֆրանսիան 2001 թ. օրենքի ուժով ճանաչել է Հայոց ցեղասպանությունը, իսկ 2012 և 2017 թթ. ընդունված օրենքներով քրեականացվել է ցեղասպանության ժխտումը։

Պրոֆ. Օշմանն անդրադարձավ նաև Ֆրանսիայի Սահմանադրական խորհուրդի կողմից Հայոց ցեղասպանության ժխտումը քրեականացնող օրենքի հակասահմանադրական ճանաչմանը, դրա պատճառներին:

Դասախոսության ավարտին ներկաները նաև հարցեր ուղղեցին բանախոսին:

Հիշեցնենք, որ վաղը՝ ժամը 14:00-ին, Թոմաս Օշմանը հանդես կգա ևս մեկ դասախոսությամբ՝ The Armenian Genocide before the European Court of Human Rights [Հայոց ցեղասպանությունը ՄԻԵԴ-ում]: