06.12.2022


Բանախոս՝ Հարություն Մարության, ՀՑԹԻ տնօրեն, պ.գ.դ.
Թեմա՝ «Տեր-Զոր… Սումգայիթ… Ատոմակայան… Նաիրիտ». «Ցեղասպանություն» հասկացության ընդլայնումը Ղարաբաղյան շարժման տարիներին (1988-1990)
Դպրոց՝ Նոր Գեղիի Յուրի Երիցյանի անվան թիվ 2 միջնակարգ դպրոց, 10-րդ դասարան

Դեկտեմբերի 3-ին ՀՑԹԻ գիտաժողովների սրահում տեղի ունեցավ դպրոցականների համար մշակված կրթական ծրագրերի 2022 թ. հերթական հանդիպումը: ՀՑԹԻ տնօրեն, պ.գ.դ. Հարություն Մարությանը աշակերտներին ներկայացրեց «Տեր-Զոր… Սումգայիթ… Ատոմակայան… Նաիրիտ». «Ցեղասպանություն» հասկացության ընդլայնումը Ղարաբաղյան շարժման տարիներին (1988-1990)» թեմայով դասախոսություն, որի ընթացքում անդրադարձ կատարվեց 1988-1990 թթ., հատկապես սումգայիթյան կոտորածներից հետո, ցեղասպանություն հասկացության իմաստային ընդլայմանը: Այդ ժամանակ հայ ժողովրդի գոյությանը սպառնացող կամ որպես այդպիսին ընկալվող ցանկացած վտանգ դիտվում և գնահատվում էր ցեղասպանության լույսի ներքո: Մասնավորապես հայկական ատոմակայանը և «Նաիրիտ» գիտարտադրականն միավորումը դիտվում էին Երևանի բնակչության ֆիզիկական գոյությանը սպառնացող իրական վտանգի աղբյուրներ: ՀՑԹԻ տնօրեն Հարություն Մարությանը աշակերտներին ներկայացրեց 1988-90 թթ. մի քանի ցուցապաստառներ, որոնցում արտացոլված էր ժողովրդական ընկալման մեջ Հայոց ցեղասպանության և Սումգայիթի, ատոմակայանի ու Նաիրիտի միջև կապը:

Դասախոսությունն ավարտվեց հարցուպատասխանով:

Կրթական ծրագրի շրջանակներում դպրոցականները շրջեցին Հայոց ցեղասպանության թանգարանում, որտեղ ՀՑԹԻ էքսկուրսավար Էլեն Հակոբյան ուղեկցությամբ ծանոթացան մշտական և ժամանակավոր ցուցադրություններին: