06.12.2024


Scrinium: Journal of Patrology and Critical Hagiography (գլխավոր խմբագիր` Վադիմ (Վասիլ) Լուրյե) հեղինակավոր ՄԳՇ ընդգրկված (1 Quartile) ամսագրում լույս է տեսել ՀՑԹԻ-ի Հայոց ցեղասպանության զոհերի ու վերապրողների փաստագրման և ուսումնասիրության բաժնի վարիչ, պ.գ.թ. Շուշան Խաչատրյանի “A Resumption of Canonization after Centuries-Long Hiatus: The Armenian Genocide through the Lens of Neo-martyrdom” [Սրբադասման վերականգնում դարերի ընդհատումից հետո. Հայոց ցեղասպանությունը նոր-նահատակության տեսանկյունից] հոդվածը:

Հեղինակը սույն հոդվածում անդրադառնում է 2015 թ. ապրիլի 23-ին Մայր Աթոռ Սուրբ Էջմիածնում տեղի ունեցած Հայոց ցեղասպանության նահատակների հավաքական սրբադասման արարողությանը։ Հոդվածում քննվում է 1915-ից 2015-ը ընկած 100-ամյա ճանապարհը՝ բացահայտելով Հայոց ցեղասպանության պատմական հիշողության, աստվածաբանական մտորումների և նահատակության միջև կապը հայկական ինքնագիտակցության մեջ։ Հայոց Ցեղասպանության նահատակները քրիստոնեական աստվածաբանության մեջ նոր նահատակության կոնկրետ խումբ են, և հետազոտությունը կարևորվում է նաև այս տեսանկյունից։

Շնորհավորում ենք մեր գործընկերոջը՝ մաղթելով նորանոր հաջողություններ:

Հղումը՝ https://brill.com/.../article-10.1163-18177565-bja10117.xml: