09.09.2023


Journal of Genocide Research հեղինակավոր ամսագրում (Impact Factor 1.5, 1 Quartile) լույս է տեսել ՀՑԹԻ գիտաշխատողներ Էդիտա Գզոյանի, Ռեգինա Գալուստյանի, Շուշան Խաչատրյանի և Նարինե Մարգարյանի համահեղինակած “In the Beautiful Heaven, a Golden Cage: Race, Identity and Memory in Turkification of Armenian Children in State Orphanages during the Armenian Genocide” հոդվածը:

Հոդվածը ներկայացնում է Հայոց ցեղասպանության ընթացքում որոշ հայ երեխաների բռնի տեղափոխման և պետական որբանոցներում ձուլման գործընթացը: Հարցը դիտարկվում է թուրքական ռասայական ազգայնականության համատեքստում՝ լույս սփռելով Հայոց ցեղասպանության ընթացքում ձուլման քաղաքականության գաղափարական հիմքերի վրա:

Հիմնվելով բռնի տեղափոխված երեխաների հրատարակված և անտիպ հուշագրությունների վրա՝ հոդվածն ուսումնասիրում է պետական որբանոցներում գործադրված թուրքացման մեթոդները՝ շեշտադրելով նաև այդ գործընթացին դիմադրելու հայ երեխաների փորձերը:

Հոդվածն ընդլայնում է մինչ այժմ հայտնի թուրքական պետական որբանոցների թիվը և աշխարհագրական շրջանակը՝ դրանով իսկ հիմնավորելով ընտրված հայ երեխաների նկատմամբ Միություն և առաջադիմություն կոմիտեի ձուլման քաղաքականության առկայությունը:

Հոդվածը շրջանառության մեջ է դնում նոր սկզբնաղբյուրներ, որոնք ներկայացնում են ցեղասպանական բռնի տեղափոխման գործընթացը վերապրած անհատների փորձառությունը: Վերլուծելով փաստերը և գործընթացի հետևանքները՝ հեղինակները պնդում են, որ բռնի տեղափոխումն ու թուրքացումը օգտագործվել են որպես հայերի ոչնչացման մեթոդ։ https://www.tandfonline.com/.../10.../14623528.2023.2237700։