13.12.2022
«Ընդդեմ ցեղասպանության հանցագործության» 4-րդ գլոբալ ֆորումին մասնակցելու համար Հայաստան ժամանած Հունաստանի Կրթության փոխնախարար Եվանգելոս Սիրիգոսը իր տիկնոջ հետ միասին դեկտեմբերի 13-ին այցելեց Հայոց ցեղասպանության թանգարան:
Հյուրերին դիմավորեց ՀՑԹԻ թանգարանային աշխատանքների գծով փոխտնօրեն Լուսինե Աբրահամյանը: Նրանք շրջեցին Հայոց ցեղասպանության թանգարանում, ծանոթացան մշտական և ժամանակավոր ցուցադրություններին, որից հետո պարոն Եվանգելոս Սիրիգոսը գրառում կատարեց Պատվավոր հյուրերի հուշամատյանում:
