17.07.2024


Լոս Անջելեսի Հարավային Կալիֆոռնիայի համալսարանում [USC University of Southern California] հունիսի 23-ից 26-ը տեղի ունեցավ Ցեղասպանագետների միջազգային կազմակերպության [INoGS-International Network of Genocide Scholars] 9-րդ միջազգային գիտաժողովը՝ Genocide and Survivor Communities. Agency, Resistance, Recognition խորագրով, որին մասնակցեցին շուրջ 120 գիտնական աշխարհի տարբեր երկրներից: Միջազգային գիտաժողովի մասնակիցների թվում էր նաև ՀՑԹԻ տնօրենի խորհրդական Միհրան Մինասեանը: Նա ներկայացրեց «Հայոց ցեղասպանությունը վերապրածների վկայութիւնների արձանագրումը Սիրիայում (անձնական փորձի օրինակով)» վերնագրով զեկույցը, որի ընթացքում անդրադարձավ Հայոց ցեղասպանությունը վերապրած և Հալեպում ապաստանած հայերի շրջանում իրականացված հուշերի և բանահյուսական այլ նմուշների հավաքչական աշխատանքներին։