18.08.2022


Շարունակում ենք ներկայացնել ՀՑԹԻ գիտաշխատողների հրապարակումները, որոնք տպագրվում են միջազգային գիտատեղեկատվական շտեմարաններում (WOS, Scopus) ընդգրկված ամսագրերում և Book Citation Index-ի հրատարակչությունների կողմից հրատարակվող գրքերում և ժողովածուներում:

Հայոց ցեղասպանության թանգարան-ինստիտուտի տնօրեն Հարություն Մարությանը հրապարակել է «April 24. Formation, Development and Current State of the Armenian Genocide Victims Remembrance Day» հոդվածը «Remembering the Great War in the Middle East: From Turkey and Armenia to Australia and New Zealand» ժողովածուում (էջ 61-82) (Book DOI http: https://www.bloomsburycollections.com/book/remembering-the-great-war-in-the-middle-east-from-turkey-and-armenia-to-australia-and-new-zealand/; Book Citation Index Publisher)։

Հոդվածում քննվում են Հայոց ցեղասպանության զոհերի հիշատակի օրվա ձևավորման և զարգացումների ընթացքը 1919 թ. ի վեր։ Հիշատակի օրվա խորհրդի քննության ճանապարհով անդրադարձ է կատարվում ցեղասպանության հիշողության դրսևորումների բավականին լայն շրջանակի (առաջին նշումները, ստալինյան ժամանակաշրջանի և «ձնհալի» ազդեցությունը, ոգեկոչումները սփյուռքում և Խորհրդային Հայաստանում, 1965 թ. զարթոնքը և Մեծ Եղեռնի հուշահամալիրի կառուցումը, Հայ եկեղեցին և զոհերի ոգեկոչումը, ապրիլքսանչորսյան նշումների բովանդակային փոփոխությունները Ղարաբաղյան շարժման տարիներին, ապրիլի 24-ի դերը հայ ժողովրդի հուշային ծիսակարգի համատեքստում, հիշատակի օրը որպես քաղաքական գործոն և այլն)։