20.07.2018


«Հայոց ցեղասպանության թանգարան-ինստիտուտ» հիմնադրամի հոգաբարձուների խորհրդի ս.թ. հուլիսի 3-ի նիստի որոշմամբ պ.գ.թ. Նարինե Մարգարյանը նշանակվել է ՀՑԹԻ տնօրենի ժամանակավոր պաշտոնակատար՝ մինչև տնօրենի թափուր տեղի համար հայտարարված մրցույթի արդյունքում տնօրենը ընտրելը:

Նարինե Մարգարյանը պատմական գիտությունների թեկնածու է, ՀՑԹԻ ավագ գիտաշխատող: Տասնյակ գիտական հրապարակումների, նաև մեկ մենագրութան հեղինակ է:

ԿՐԹՈՒԹՅՈՒՆ

1997-2004 թթ. սովորել է Երևանի պետական համալսարանի Արևելագիտության ֆակուլտետում՝ ստանալով արևելագիտության մագիստրոսի աստիճան՝ արաբագիտություն մասնագիտությամբ:

1999-2000 թթ. վերապատրաստվել է Դամասկոսի օտարերկրացիների համար արաբերեն լեզվի ինստիտուտում, 2003 թ.՝ Կահիրեի պետական համալսարանի արաբերեն լեզվի կենտրոնում:

ԱՇԽԱՏԱՆՔԱՅԻՆ ՓՈՐՁ

2017 հոկտեմբեր - 2018 հուլիս ամիսներին եղել է ՀՀ ԳԱԱ Հայոց ցեղասպանության թանգարան-ինստիտուտի գիտական քարտուղարի պաշտոնակատար

2015 - 2017 թթ. զբաղեցրել է ՀՀ ԳԱԱ Հայոց ցեղասպանության թանգարան-ինստիտուտի Անդրկովկասի հայության ցեղասպանության ուսումնասիրության, իսկ 2007 – 2015 թթ.՝ ՀՀ ԳԱԱ Հայոց ցեղասպանության թանգարան-ինստիտուտի Ցեղասպանության պատմության և պատմագրության բաժինների վարիչի պաշտոնը, 2007 թ. ինստիտուտի ավագ գիտաշխատող է:

2004 – 2007 թթ. աշխատել է ՀՀ ԳԱԱ Հայոց ցեղասպանության թանգարան-ինստիտուտի Ցեղասպանության պատմության և պատմագրության բաժնում

2011 թ. պաշտպանել է թեկնածուական ատենախոսություն՝ «Հայ տարագիրները Սիրիայում և հայ-արաբական փոխհարաբերությունները (1915-1923 թթ.)» թեմայով:

Տասը գիտական հոդվածների հեղինակ է, զեկուցումներով հանդես է եկել հանրապետական ու միջազգային գիտաժողովներում: 2013 թ. լույս է տեսել Ն. Մարգարյանի «Հայոց ցեղասպանության հետևանքով Սիրիայում հաստատված հայ տարագիրների կարգավիճակը և հայ-արաբական փոխհարաբերութունները (1915-1923 թթ.) մենագրությունը: Ն. Մարգարյանի գիտական հետաքրքրությունների շրջանակում են Հայոց ցեղասպանության հետևանքով Սիրիայում, Լիբանանում, Եգիպտոսում, Պաղեստինում և Իրաքում հայտնված հայ տարագիրների վիճակը, նրանց սոցիալ-տնտեսական, քաղաքական ինտեգրման հիմնախնդիրները, ինչպես նաև արաբների հետ նրանց հարաբերությունների դինամիկան:

2013 թ. ՀՀ ԳԱԱ Հայոց ցեղասպանության թանգարան-ինստիտուտի «Ցեղասպանագիտական հանդես» գիտական պարբերականի խմբագրակազմի անդամ է:


Ն. Մարգարյանի գիտական աշխատությունների ցանկ

«Հայոց ցեղասպանության հետևանքով Սիրիայում հաստատված հայ տարագիրների կարգավիճակը և հայ-արաբական փոխհարաբերությունները (1915-1924 թթ.)», Երևան, 2013, մենագրություն

1. Արաբական աշխարհի դիրքորոշումը Հայոց ցեղասպանության հարցում. Մեքքայի Շերի‎‎ֆ ու Էմիր Ալ Հուսեյն իբն Ալիի ուղերձները, Հայոց ցեղասպանության պատմության և պատմագրության հարցեր, Երևան, 2005, հ.10-11, էջ 158-170:

2. Արաբների վերաբերմունքը Սիրիայում հաստատված հայ որբերի նկատմամբ, Մերձավոր Արևելք-III, Պատմություն, քաղաքականություն, մշակույթ, հոդվածների ժողովածու, Երևան, 2006, էջ 101-105:

3. Հայ տարագիրները Սիրիայում և արաբների վերաբերմունքը նրանց նկատմամբ, Մերձավոր Արևելք-VI, Պատմություն, քաղաքականություն, մշակույթ, հոդվածների ժողովածու, Երևան, 2009, էջ153-159:

4. Հայ տարագիրների մասնակցությունը Սիրիայի քաղաքական կյանքում 1920-1925 թթ., Մերձավոր Արևելք-VII, Պատմություն, քաղաքականություն, մշակույթ, հոդվածների ժողովածու, Երևան, 2011, էջ 183-189:

5. Հայ տարագիրների իրավական կարգավիճակը Սիրիայում 1915-1923 թթ., «Վասն արդարության», իրավական գիտամեթոդական հանդես, 1(72), 2012, էջ15- 21:

6. Հայ տարագիրների համարկումը Սիրիայի սոցիալ-տնտեսական կյանքում Հայոց ցեղասպանությունից հետո (1915-1925 թթ.), «Ազդակ», Բացառիկ, 2012, էջ 123-130:

7. Հայոց ցեղասպանության իրականացման գործընթացում իսլամի գործոնի հարցի շուրջ, «Ցեղասպանագիտական հանդես», 2014 թ., 2(2), էջ 55-66:

8. Հայ երեխաների թրքացման գործընթացն Օսմանյան կայսրության պետական որբանոցներում, 1915-1918 թթ., «Ցեղասպանագիտական հանդես», 2016 թ., 4(1), էջ 25 – 43:

9. Հայ գաղթականների վրանաքաղաքներն Իրաքում 1918-1922 թթ. «Ցեղասպանագիտական հանդես», 4 (2) 2016 թ., էջ 65-83:

10. Միջագետքի անապատների հայ որբախույզները (1918-1923), «Հայագիտության հարցեր», 1(13), Երևան, 2018, 1(13), էջ 39-57: