21.12.2021


Աշխատանքային այցով Հայաստան ժամանած Ֆրանսիայի Իլ-դը-Ֆրանս կենտրոնական շրջանի ղեկավար, Ֆրանսիայի նախագահական ընտրությունների թեկնածու Վալերի Պեկրեսի գլխավորած պատվիրակությունը դեկտեմբերի 21-ին այցելեց Հայոց ցեղասպանության հուշահամալիր:

Հյուրերին դիմավորեց և հուշահամալիրի ստեղծման պատմությունը ներկայացրեց Հայոց ցեղասպանության թանգարան-ինստիտուտի տնօրեն Հարություն Մարությանը:

Ֆրանսիայից ժամանած պատվիրակության անդամները ծաղիկներ դրեցին անմար կրակի մոտ և մեկ րոպե լռությամբ հարգեցին Հայոց ցեղասպանության սրբադասված նահատակների հիշատակը:

Այցի ավարտին տիկին Վալերի Պեկրեսը շրջեց Հիշողության պուրակում և ջրեց 2018 թ. իր տնկած արծաթափայլ եղևնին: