22.05.2017
Մայիսի 22-ին Հայոց ցեղասպանության հուշահամալիր և թանգարան այցելեց Գերմանիայի Բրանդենբուրգ երկրամասի գիտության, գիտահետազոտության և մշակույթի նախարար Մարտինա Մյունխը:
Հայաստանում Գերմանիայի դեսպանի ուղեկցությամբ դոկտոր Մարտինա Մյունխը ծաղկեպսակ տեղադրեց հուշակոթողին, ծաղիկներ խոնարհեց հավերժական կրակի մոտ՝ հարգանքի տուրք մատուցելով Հայոց ցեղասպանության նահատակների հիշատակին:
Այնուհետև, Բրանդենբուրգի գիտության և մշակույթի նախարարը եղավ Հայոց ցեղասպանության թանգարանում: Տիկին Մարտինա Մյունխը շրջեց սրահներում ծանոթացավ թանգարանի մշտական ցուցադրությանը և Հայոց Մեծ Եղեռնի պատմական իրողություններին:
Տիկին Մյունխը գրառում թողեց պատվավոր հյուրերի Հուշամատյանում:
