23.07.2024
Ֆրեզնոյի Կալիֆոռնիայի պետական համալսարանի Հայագիտության բաժնի տնօրեն պրոֆեսոր Պարլօ Տէր-Մկրտիչեանի նախաձեռնությամբ արդեն չորրորդ տարին անընդմեջ ՀՑԹԻ գիտաշխատողներին տրվում են մրցանակներ՝ լավագույն ամսագրային հոդված, լավագույն գրքի/ժողովածուի գլուխ, ՀՑԹԻ գիտական խորհրդի կողմից տպագրության երաշխավորված գրքեր և այլ անվանակարգերում: Ինչպես նախորդ տարի, այս տարի ևս մրցանակները հանձնում էր անձամբ նախաձեռնության հեղինակ Պարլօ Տէր-Մկրտիչեանը:
ՀՑԹԻ Արցախի, Նախիջևանի և Ադրբեջանի հայաբնակ շրջաններում հայության բռնաճնշումների ուսումնասիրության բաժնի վարիչ, պ.գ.դ. Հարություն Մարությանն իր խոսքում շնորհակալություն հայտնեց Պարլօ Տէր-Մկրտիչեանին ՀՑԹԻ գիտաշխատողներին խրախուսական մրցանակներով քաջալերելու համար:
«Լավագույն ամսագրային հոդված» անվանակարգում մրցանակներ շնորհվեցին
ՀՑԹԻ տնօրեն, պ.գ.թ. Էդիտա Գզոյանին, ՀՑԹԻ Վահագն Դադրյանի անվան համեմատական ցեղասպանագիտության բաժնի գիտաշխատող Ռեգինա Գալուստյանին, ՀՑԹԻ Հայոց ցեղասպանության զոհերի ու վերապրողների փաստագրման և ուսումնասիրության բաժնի վարիչ, պ.գ.թ. Շուշան Խաչատրյանին և ՀՑԹԻ Հայոց ցեղասպանության աղբյուրագիտական ուսումնասիրությունների բաժնի վարիչ, գիտնական-քարտուղար Նարինե Մարգարյանին` “In the Beautiful Heaven, a Golden Cage: Race, Identity and Memory in Turkification of Armenian Children in State Orphanages During the Armenian Genocide,” Journal of Genocide Research. Published online: 19 Jul 2023. doi: 10.1080/14623528.2023.2237700 հոդվածի համար:
Էդիտա Գզոյանին՝ “From War Crimes to Crimes against Humanity and Genocide: Turkish Responsibility after World War I,” Genocide Studies International 15, no.2 (2023): 79-98 հոդվածի համար:
Շուշան Խաչատրյանին՝ Shushan Khachatryan, Hayk Hakobyan, and Garnik Harutyunyan, “Identification and Identity: Quest for the Armenian Martyrdom Sites in the Modern Times,” Scrinium Journal of Patrology and Critical Hagiography 19, no. 1 (2023): 256-276 հոդվածի համար:
ՀՑԹԻ Արցախի, Նախիջևանի և Ադրբեջանի հայաբնակ շրջաններում հայության բռնաճնշումների ուսումնասիրության բաժնի նախկին ավագ գիտաշխատող, պ.գ.թ. Նաիրա Սահակյանին՝ “Clientelism and Nationality in an Early Soviet Fiefdom: The Trials of Nestor Lakoba, written by Timothy Blauvelt” Caucasus Survey 12 (2023) գրախոսության համար:
«Լավագույն գրքի/ժողովածուի գլուխ» անվանակարգում մրցանակներ շնորհվեցին՝
ՀՑԹԻ Վահագն Դադրյանի անվան համեմատական ցեղասպանագիտության բաժնի վարիչ, պ.գ.թ. Սուրեն Մանուկյանին՝ “The historiography of the Armenian Genocide,” in Handbook of Genocide Studies, ed. by David Simon and Leora Kahn (Massachusetts: Edward Elgar Publishing, 2023), 54–71 աշխատանքի համար,
Էդիտա Գզոյանին՝ “Protection of Women and Children in the Near East the Efforts of the League of Nations” in The Genocide of the Christian Populations in the Ottoman Empire and its Aftermath (1908-1923), edited by Taner Akçam, Theodosios Kyriakidis, Kyriakos Chatzikyriakidis (London and New York: Routledge, 2023), 251-262 աշխատանքի համար:
«ՀՑԹԻ գիտական խորհրդի կողմից տպագրության երաշխավորված գրքեր» անվանակարգում մրցանակներ շնորհվեցին՝
Ռեգինա Գալուստյանին՝ Հարություն Գրիգորյան, Իմ կենսագրությունը (խմբագիր, առաջաբանի և ծանոթագրությունների հեղինակ՝ Ռեգինա Գալուստյան, Երևան, ՀՑԹԻ հրատ., 2023, Հայոց ցեղասպանությունը վերապրածների հուշագրություններ, հ. 10, 302 էջ) գրքի համար:
Միհրան Մինասեանին և Հայաստան Մարտիրոսյանին՝ Գառնիկ Գազանճեան, Յուշագրութիւն (աշխատասիրու-թեամբ՝ Վահէ Գազանճեանի, ակտիվ օժանդակությամբ Միհրան Մինասեանի): Յովհաննէս Տէր-Փիլիպպոսեան, Արաբկիրցի վերապրողի յուշեր (խմբագիր, առաջաբանի և ծանոթագրությունների հեղինակ` Հայաստան Մարտիրոսյան, Երևան, ՀՑԹԻ հրատ., 2023, Հայոց ցեղասպանությունը վերապրածների հուշագրություններ, հ. 12, էջ 65-192) գրքի համար:
ՀՑԹԻ այցելող դպրոցականների խմբերին Հայոց ցեղասպանության տարբեր թեմաների շուրջ 2023 թ. դասախոսություններ կարդալու համար խրախուսական մրցանակներ շնորհվեցին Գոհար Խանումյանին, Շուշան Խաչատրյանին, Սուրեն Մանուկյանին, Գայանե Հովհաննիսյանին, Նարինե Մարգարյանին, Հարություն Մարությանին, Սեդա Պարսամյանին, Ռեգինա Գալուստյանին, Ինեսա Ստեփանյանին, Էդիտա Գզոյանին և Թեհմինե Մարտոյանին:
ՀՑԹԻ ժամանակավոր ցուցադրությունների կազմակերպման համար խրախուսական մրցանակներ շնորհվեցին Սեդա Պարսամյանին և Քրիստինե Վարդանյանին՝ «Մելքոնը չէր կարող Նեջիբ լինել … երեխաների բռնի տեղափոխումը Հայոց ցեղասպանության տարիներին» (2023 թ. ապրիլ) և «Հայոց ցեղասպանության թեման կերպարվեստում. Ճանապարհ դեպի մահ» (2023 թ. սեպտեմբեր) ցուցադրությունների համար:
Մրցանակների հանձնումից հետո ՀՑԹԻ տնօրեն Էդիտա Գզոյանը շնորհակալություն հայտնեց Պարլօ Տէր-Մկրտիչեանին «Գիտնականները գիտնականների համար» մրցանակաբաշխությունը նախաձեռնելու և շարունակաբար Հայոց ցեղասպանության թանգարան-ինստիտուտի գիտաշխատողներին աջակցելու համար և հետագա հաջողություններ մաղթեց բոլորին:
