Հայաստանում գտնվող Ֆրանսիայի Հանրապետության խորհրդարանական պատվիրակությունն այսօր այցելեց Հայոց ցեղասպանության զոհերի հիշատակը հավերժացնող հուշահամալիր, ծաղիկներ դրեց անմար կրակի մոտ, հարգեց զոհերի հիշատակը։

Ֆրանսիայից ժամանած պատվիրակությանն ուղեկցում էին ՀՀ Ազգային ժողովի պատգամավոր Վլադիմիր Վարդանյանը, Հայաստանում Ֆրանսիայի արտակարգ և լիազոր դեսպան Ժոնաթան Լաքոտը և Ֆրանսիայում Հայաստանի արտակարգ և լիազոր դեսպան Հասմիկ Տոլմաջյանը: Այցելուներին դիմավորեց ՀՑԹԻ փոխտնօրեն Լուսինե Աբրահամյանը: