25.05.2023

«Հայոց ցեղասպանության թանգարան-ինստիտուտ» հիմնադրամը 2023թ. հուլիսի 19-21-ին կազմակերպում է «Հայոց ցեղասպանության թեմայի ուսուցում» եռօրյա ամառային դպրոց՝ հայոց պատմություն դասավանդող ուսուցիչների համար:

Ամառային դպրոցին կարող են մասնակցել հանրակրթական միջին և ավագ դպրոցի հայոց պատմության ուսուցիչները, ովքեր կներկայացնեն ծրագրին իրենց մասնակցության կարևորությունը հիմնավորող դիմում:

Հայտերի պատասխանները կտրվեն ամառային դպրոցի մեկնարկից առնվազն 3 շաբաթ առաջ:

ՀՑԹԻ կրթական ծրագրի նպատակն է վերապատրաստել ուսուցիչներին Հայոց ցեղասպանության թեմայի դասավանդման ժամանակակից մեթոդների կիրառմամբ, խորացնել գիտելիքները Հայոց ցեղասպանության տարբեր ասպեկտների ուղղությամբ՝ հաշվի առնելով թեմայի հոգեբանական առանձնահատկությունները և ցեղասպանագիտության արդի զարգացումները:

Ամառային դպրոցի շրջանակներում նախատեսվում է կազմակերպել գործնական պարապմունք և կլոր-սեղան քննարկում:

Ծրագրում ընդգրկված ուսուցիչները դասընթացի ավարտին կստանան հավաստագրեր:

Դիմումի օրինակ



Հայտերն ուղարկել մինչև ս/թ. հունիսի 15-ը հետևյալ հասցեով` stepanyan.inesa@genocide-museum.am

Հարցերի դեպքում զանգահարել հետևյալ հեռախոսահամարով` +374 98 69 00 11, Կրթական ծրագրերի պատասխանատու Ինեսա Ստեփանյան: