27.04.2021
Բանախոս՝ Սեդա Պարսամյան, Հայոց ցեղասպանության թանգարան-ինստիտուտի գիտաշխատող, թանգարանային ցուցադրությունների կազմակերպման բաժնի վարիչ
Թեմա՝ «Մշակութային ցեղասպանությունը» հայկական մշակութային ժառանգության ոչնչացման օրինակով
Դպրոց՝ ԵՊԲՀ «Հերացի» ավագ դպրոց
2021 թ. ապրիլի 27-ին «Հայոց ցեղասպանության թանգարան-ինստիտուտի» գիտաժողովների սրահում «Հայոց ցեղասպանության թեմայի ուսուցում» կրթական ծրագրի շրջանակներում տեղի ունեցավ հերթական դասընթացը: Սեդա Պարսամյանը դասախոսություն կարդաց ««Մշակութային ցեղասպանությունը» հայկական մշակութային ժառանգության ոչնչացման օրինակով» թեմայով:
Դասախոսության ընթացքում անդրադարձ կատարվեց «մշակութային ցեղասպանություն» եզրույթի ծագմանը, բնորոշմանը, ներկայիս միջազգային իրավունքում վերջինիս կարգավիճակին, հայկական հոգևոր-մշակութային ժառանգության դեմ թուրքական տարբեր վարչակարգերի որդեգրած ոչնչացման քաղաքականությանը, մեր օրերում մշակութային արժեքների ոչնչացման շարունակականությանը և այլ հարցերին:
Հայոց ցեղասպանության ընթացքում և դրանից հետո ընդհուպ մինչև մեր օրերը հայկական հազարավոր պատմաճարտարապետական հուշարձաններ, եզակի ձեռագիր մագաղաթներ և այլ մշակութային արժեքներ Թուրքիայում հետևողականորեն ոչնչացվել են կամ չեզոքացվել է դրանց հայկական ինքնությունը: 1920-ականներից սկիզբ է դրվել Արևմտյան Հայաստանի տեղանունների փոփոխման կամ խեղաթյուրման քաղաքականությանը: Ներկայումս Արևմտյան Հայաստանի տեղանունների ավելի քան 90%-ը թրքացվել է: Հայկական աշխարհագրական տեղանունները փոխարինվել են թուրքականով.
Ընդգծվեց, որ Հայկական մշակութային ժառանգության հետևողական ոչնչացումը կամ դրա ապօրինի յուրացումը` հայերի դեմ իրագործած ցեղասպանության թուրքական քաղաքականության շարունակությունն է:
