28.11.2024


«Հայոց ցեղասպանության թանգարան-ինստիտուտ» հիմնադրամի Հայոց ցեղասպանության զոհերի ու վերապրողների փաստագրման և ուսումնասիրության բաժնի ավագ գիտաշխատող, պ.գ.թ. Թեհմինե Մարտոյանը նոյեմբերի 14–16-ը մասնակցեց Կալիֆոռնիայի պետական համալսարանում (Սակրամենտո) տեղի ունեցած ցեղասպանություններին նվիրված 6-րդ միջազգային գիտաժողովին, որն ուներ «Ցեղասպանության չափերը. համառություն, ժխտում, դիմադրություն և արդարություն» [6th International Conference on Genocide. Dimensions of Genocide: Persistence, Denial, Resistance and Justice] խորագիրը: Գիտաժողովին մասնակցում էր շուրջ երկու հարյուր գիտնական աշխարհի տարբեր երկրներից: ՀՑԹԻ-ի գիտաշխատող Թեհմինե Մարտոյանը ներկայացրեց «Ցեղասպանության քաղաքականության շարունակությունը․ հայերի և հույների բնաջնջումը Զմյուռնիայում՝ համաձայն Հայաստանի ազգային արխիվի փաստաթղթերի» [Continuation of a Genocidal Policy: Annihilation of the Greeks and the Armenians in Smyrna According to the Documents of the National Archives of Armenia] խորագրով զեկուցումը:

Գիտաժողովի ծրագիրը՝ https://www.csus.edu/college/social-sciences-interdisciplinary-studies/genocide-conference/_internal/_documents/program.pdf: