13.05.2021


Մայիսի 12-ին աշխատանքային այցով Հայաստան ժամանած Վրաստանի վարչապետ Իրակլի Ղարիբաշվիլին ՀՀ փոխվարչապետ Տիգրան Ավինյանի ուղեկցությամբ այցելեց Ծիծեռնակաբերդի հուշահամալիր, ծաղիկներ խոնարհեց և հարգանքի տուրք մատուցեց Հայոց ցեղասպանության զոհերի հիշատակին: Հյուրերին դիմավորեց Հայոց ցեղասպանության թանգարան-ինստիտուտի տնօրեն Հարություն Մարությանը:

Այցի ավարտին Իրակլի Ղարիբաշվիլին ջրեց Հիշողության պուրակում իր տնկած եղևնին: